कल्याण लोकसभा निरीक्षक पदी कट्टर शिवसैनिक बाबाजी शिंदे यांची नियुक्ती जाहिर..कल्याण लोकसभा निरीक्षक पदी श्री. बाबाजी शिंदे यांची नियुक्ती जाहिर.... मुंबई 29.06.2023- शिवसेना उद्धव बाळासाहेब ठाकरे पक्षाच्या कल्याण लोकसभा निरीक्षक पदी पक्षप्रमुख उद्धव ठाकरे यांनी बाबाजी शिंदे यांची नियुक्ती शिवसेना भवनातून आज जाहीर केली या वेळी शिवसेना नेते खासदार संजय राऊत,.विनायक राऊत, अरविंद सावंत,अनिल देसाई हे सुद्धा उपस्थित होते. निरीक्षक पद हि जबाबदारी अत्यंत महत्वाची असून पक्षावरील असीम निष्ठेमुळे आपण समर्थपणे ती सांभाळाल अशी खात्री असल्यामुळेच तुम्हाला देत असल्याचे पक्षप्रमुख उद्धव ठाकरे यावेळी बोलताना म्हणाले..शिवसेनाप्रमुख बाळासाहेब ठाकरे यांच्या आशिर्वादाने मी १४ वर्षे शाखाप्रमुख होतो .माजी मुख्यमंत्री मनोहर जोशी यांच्या काळात फूड कॉर्पोरेशन ऑफ इंडिया चे सदस्यत्व मी सांभाळलेले आहे . तसेच प्रत्येक निवडणुकीच्या वेळी लोकसभा आणि विधानसभा प्रसिद्धी प्रमुख हे पद सुद्धा सांभाळलेले आहे त्या मुळे मला असलेला प्रचंड अनुभव,पक्षनिष्ठा व पक्षाचे ध्येयधोरण आणि उद्धवजी ठाकरे यांनी माझ्यावर दाखविलेला विश्वास याच बळावर मी पक्षाची मजबूती आणि वाढ समर्थपणे करिन अशी मला ठाम खात्री आहे असे मनोगत नवनिर्वाचित कल्याण लोकसभेचे निरीक्षक बाबाजी शिंदे यांनी व्यक्त केले . कल्याण लोकसभेतील सर्व पदाधिकारी व शिवसैनिकांच्या सहकार्याने संघटना वाढवू , आणखीन मजबूत करु असा विश्वास त्यांनी या वेळी व्यक केला. कल्याण लोकसभा मतदारसंघाचे खासदार शिवसेनेचे श्रीकांत एकनाथ शिंदे असल्यामुळे उबाठा गटाचे निरीक्षक बाबाजी शिंदे यांच्या पुढे हे एक मोठे आव्हान असल्याचे मानले जाते